Yeni tədris ilinin başlanması ilə əlaqədar olaraq Sumqayıtda yaşayan aztəminatlı ailələrin üzvləri ilə görüş keçirilmişdir. Görüşdə müxtəlif məhəllə və mikrorayonlarda yaşayan və şəhərin 10-a yaxın məktəbini əhatə edən maddi imkanları məhdud 25 nəfər ibtidai sinif şagirdi və onların valideynləri iştirak etmişdir.

«Azərikimya» İstehsalat Birliyinin Müşahidə Şurasının sədri, Milli Məclisin deputatı Muxtar Babayev şagirdləri yeni tədris ilinin başlanması münasibətilə təbrik etmiş, onlara təhsillərində uğurlar arzulamışdır.

Tədbirdə «Azərikimya» İstehsalat Birliyi və Birlik Həmkarlar İttifaqı Komitəsi tərəfindən şagirdlərə məktəbli geyimləri və dərs ləvazimatları təqdim olunmuşdur.

Çıxış üçün söz alan valideynlər göstərilən diqqət və qayğıya görə Birlik rəhbərliyinə minnətdarlıqlarını ifadə etmişlər.