Sumqayıt şəhər Gənclər və İdman Baş İdarəsinin təşkilatçılığı ilə Gənclər Evində şəhərin ali, orta ixtissas təhsil müəssisələrinin tələbə-gənclər təşkilatları ilə gələcək prespektivlərin müəyyənləşdirilməsi, tələbələrlə işin təkmilləşdirilməsi məqsədi ilə hesabat xarakterli görüş keçirilib. Görüşdə Sumqayıt Dövlət Universitetinin, Sumqayıt Texniki Kollecinin, Ə.Əliyev adına Sumqayıt Tibb Kollecinin və Sumqayıt Musiqi Kollecinin tələbə-gənclər təşkilatlarının fəal nümayəndələri iştirak ediblər.
Tədbirdə çıxış edən Baş İdarənin Gənclərlə iş sektorunun müdiri Ceyhun Hüseynov dövlət gənclər siyasətinin əsas prinsiplərinin müəyyənləşdirilməsində, Respublikamızın sosial-iqtisadi, ictimai-mədəni həyatında tələbə-gənclərin fəal iştirakının təmin olunmasında, sosial-mənəvi ehtiyaclarının ödənilməsində, onların gələcəyə layiqli vətəndaşlar kimi formalaşmasında Ümummilli Lider Heydər Əliyevin əvəzssiz xidmətlərindən danışıb. Bildirib ki, 2005-ci ildən başlayaraq ölkəmizin bütün ali və orta ixtisas təhsil müəssisələrində olduğu kimi Sumqayıt şəhərindədə gənclərlə işin səmərəlliyinin artırılması məqsədi ilə Tələbə Gənclər Təşkilatları yaradılmağa başlayıb və bu gün şəhərdə 1 ali və 3 orta ixtisas təhsil müəssisələri olmaqla ümumilikdə 4 Tələbə-Gənclər Təşkilatı fəaliyyət göstərir. Təşkilatlar ümumi maraqlar əsasında birləşmiş, könüllülük prinsipi əsasında əlaqlər yaradılmış, tələbələrin ictimai həyatda fəallığının artırılması, tələbə problemlərinin operativ həllinə nail olmaq üçün dövlət orqanları, qeyri-hökümət təşkilatlarla qarşılıqlı əlaqədə fəaliyyət göstərirlər.
Görüşdə Tələbə Gənclər Təşkilatları hesabat xarakterli çıxış edərək, təşkilatın fəaliyyəti, həyata keçirilmiş tədbirlər, maraq sahələrinə uyğun yaradılmış departamentlər, tələbələrin arzu və təkliflərini öyrənmək məqsədi ilə keçirilən görüşlər haqqında məlumat veriblər.
 

Xəbərdən istifadə edərkən istinad etmək vacibdir.