Milli Məclisin sabahkı iclasında"Lisenziyalar və icazələr haqqında” qanuna ediləcək dəyişikliklə teleradio yayımı fəaliyyəti xüsusi icazə tələb olunan fəaliyyət növü hesab olunacaq.
Məlumata görə, "Lisenziyalar və icazələr haqqında” qanuna təklif olunan 1 və 2 nömrəli əlavələrində dəyişiklik olacaq.
Belə ki, bu dəyişikliklə Azərbaycanda teleradio yayımı fəaliyyəti dövlət təhlükəsizliyindən irəli gələn hallarla əlaqədar xüsusi icazə tələb olunan fəaliyyət növü sayılacaq.
Layihəyə görə, qanunun 1 nömrəli əlavəsindən (Lisenziya tələb olunan fəaliyyət növlərinin siyahısı) 7-ci (Teleradio yayımı fəaliyyəti) maddəsi çıxarılır.
Eyni adlı maddə 5-ci maddə kimi qanunun 2 nömrəli əlavəsinə (Dövlət təhlükəsizliyindən irəli gələn hallarla əlaqədar lisenziya tələb olunan fəaliyyət növlərinin siyahısı) daxil olunur.
Layihə parlamentin sabahkı plenar iclasına tövsiyə olunub.(Modern.az)
Xəbərdən istifadə edərkən istinad etmək vacibdir.
