Bu gün Sumqayıt şəhər 9 nömrəli tam orta
məktəbdə "Uşaq hüquqları konvensiyası”na həsr olunmuş tədbir keçirilib.
Məktəbin
direktoru Bəhruz Səlimxanov tədbirdə çıxış edərək, insan hüquqlarının qorunması
sahəsində qanunvericilik, bu sahədə beynəlxalq təcrübə, Uşaq hüquqları
Konvensiyası, uşaq hüquqlarının həyata keçirilməsi vəziyyəti barədə ətraflı məlumat
verib. Bildirilib ki, uşaq hüquqlarının tam təmin edilməsi, problemlərinin
ardıcıl həlli ölkəmizdə bu sahədə həyata keçirilən dövlət siyasətinin prioritet
istiqamətlərindəndir.
Digər çıxış edənlər qeyd ediblər ki, son illərdə uşaqların hüquqların müdafiəsi,
sağlamlığının möhkəmləndirilməsi, onların müasir tələblər səviyyəsində təhsil
alması üçün ölkədə bir sıra tədbirlər həyata keçirilir.
Həmçinin
bu cür tədbirlərin təşkilin uşaqların hüquqlarının təmin edilməsində, onların
qayğı ilə əhatə olunmasında və hərtərəfli şəxsiyyət və layiqli vətəndaş kimi
formalaşmasında əhəmiyyəti vurğulanıb.
Tədbirdə Sumqayıt şəhər Ağsaqqallar şurasının üzvü
Sovet Şükürov, Sumqayıt şəhər
Prokurorluğunun müstəntiqi Kənan Süleymanlı, Sumqayıt şəhər Polis İdarəsinin ictimai təhlükəsizlik şöbəsinin
əməkdaşı Fərhad Bayramov, Sumqayıt Təhsil Şöbəsinin metodisti
Esmira İbrahimova iştirak ediblər.
Eyni zamanda tədbirə məktəbin
direktor müavinləri Faiq
Bayramov, İlkin Əliyev, müəllim və şagird
kollektivi qatılıb.
Xatırladaq ki, hər il olduğu kimi, bu il də "Azərbaycan Respublikasında insan hüquqlarının müdafiəsi üzrə Milli Fəaliyyət Planı"na uyğun olaraq, 20 oktyabr - 20 noyabr tarixlərində ölkədə "Uşaq hüquqları aylığı" elan edilib.
Xəbərdən istifadə edərkən istinad etmək vacibdir.
