Azərbaycan
Respublikasının Prezidenti yanında Qeyri-Hökumət Təşkilatlarına Dövlət Dəstəyi
Şurasının maliyyə dəstəyi ilə Qəbələ Regional Gənclərin Resurs Mərkəzi İB
tərəfindən "Gənclər arasında dini radikalizm təzahürlərinə qarşı maarifləndirici
seminarlar" layihəsi çərçivəsində Oğuz və Qəbələ rayonlarında seminarlar təşkil
edilib.
Layihənin məqsədi cəmiyyətin, xüsusilə də gənc nəslin ənənəvi
dini və milli dəyərlərimiz, bu dəyərlərin ümdə prinsipləri haqqında doğru və
sağlam mənbələrə əsaslanan biliklərlə təmin olunması, gənclərin dini radikal və
ekstremist qruplara cəlb olunmasının qarşısının alınmasına, gənclərin dini
radikalizm və ekstremizmlə mübarizə ruhunda tərbiyə olunmasına, dini radikalizm
və ekstremizm ideyalarının gənclərin dünyagörüşünə təhrif edici təsirinin və
ciddi psixi anomaliyaların qarşısının alınmasına kömək etməkdən ibarətdir.
Seminarlarda layihənin aktuallığı, gənclərin bu sahədə
məlumatlı olmasının əhəmiyyəti, dövlət-din münasibətləri, Azərbaycan
respublikasının bu sahədə qanunvericiliyi, Konstitusiyada təsbit olunmuş dini
etiqad azadlığı, respublikamızda dini tolerantlıq mühiti, o cümlədən
multikultural dəyərlər, milli-mənəvi dəyərlər, ailə dəyərləri, dövlətimizin
dini dəyərlərimizə göstərdiyi qayğı, ölkə Prezidentinin 2016-cı ili
"Multikulturalizm ili” elan etməsi və s. haqqında geniş məlumat verilib.
Xəbərdən istifadə edərkən istinad etmək vacibdir.