Azərbaycan Respublikası Prezidentinin yanında Gənclər Fondunun maliyyə dəstəyi ilə VIII qrant müsabiqənin qalibi Aytən Məmmədova tərəfindən "Uğur Menyusu” adlı layihənin açılış mərasimi təşkil olunub.
Yeni Azərbaycan Partiyası Gənclər Birliyinin Baş Ofisində keçirilən tədbirdə Aytən Məmmədova layihə haqqında ətraflı məlumat verərək uğur qazanmağın yollarından, ətrafdakı insanlara təsir imkanlarından, fikrini auditoriya və respondentə dəqiq şəkildə çatdırmağın yollarından söhbət açıb. Layihə rəhbəri bu mövzunun gənclər üçün vacib, habelə maraqlı olduğunu bildirib. Bu nöqteyi nəzərdən A. Məmmədova "Uğur Menyusu” adlı layihənin aktual olduğunu da qeyd edib. O, 3 günün yekununda təlimdə iştirak edən gənclərə hədiyyələr təqdim ediləcəyini də deyib.
Açılış mərasimində iştirak edən Psixologiya və Konsultasiya Mərkəzinin psixoloqu Elnur Rüstəmov bildirib ki, uğur qazanmaq insanların ən başlıca psixoloji özünütəsdiq vasitələrindən biridir. Uğur qazanmaq üçün öncə insanda özünəinam olmalıdır. Psixoloq əminliklə söyləyib ki, əslində hər kəs ciddi uğura nail ola bilər. Amma bunun üçün səy göstərmək, zəhmət çəkmək və məqsəd qoymaq lazımdır. Çıxış edən digər natiqlər də uğurun insan həyatında vacib rolundan, uğuru qazanmağın üstünlüklərindən söz açıblar.
Tədbirin sonunda layihədə iştirak edən gənclərin sualları cavablandırılıb.
Xeberle.com
Xəbərdən istifadə edərkən istinad etmək vacibdir.
