Azərbaycan
Respublikası Prezidenti yanında Qeyri-Hökumət Təşkilatlarına Dövlət Dəstəyi
Şurası tərəfindən maliyələşdirilən və Gənc Hüquqşünaslar İctimai Birliyi tərəfindən "Sağlam həyat tərzinin
formalaşdırılmasında internet resurslarının fəaliyyətinin gücləndirilməsi” adlı
layihəsini həyata keçirib. Bu ilin
16 may–16 noyabr tarixlərini əhatə edən dövr ərzində reallaşdırılan layihə çərçivəsində www.estafet.az
internet idman-informasiya səhifəsinin əlçatan informasiya bazası kimi uğurlu
startına başlanıb. Bu məqsədlə, saytın yeni dizaynı hazırlanıb və dəstək
proqramı təkmilləşdirilib. Saytın fəaliyyətinin daha səmərəli olması üçün bir
sıra idman qurumu, federasiyası, cəmiyyəti, məktəbi, xəbər saytı və idman mütəxəssisi
ilə danışıqlar aparılıb, əməkdaşlıq haqda razılıq əldə edilib.
Layihənin
icrasına başlanan vaxtdan və sayt işlək vəziyyətə gələndən Azərbaycan
Respublikası Prezidenti yanında Qeyri-Hökumət Təşkilatlarına Dövlət Dəstəyi
Şurasının loqosu saytın yuxarı sağ küncündə yerləşdirilib.
Həmçinin,
layihə çərçivəsində layihə üzvlərinin Böyük Qafqaz sıra dağlarının Qızıl Qaya
dağ massivində 3751 m yüksəklikdə yerləşən, Ümummilli lider Heydər Əliyevin
adını daşıyan "Heydər Zirvəsinə” uğurlu estafet yürüşü təşkil olunub.
Xəbərdən istifadə edərkən istinad etmək vacibdir.