Sumqayıt Dövlət Universiteti Tələbə Gənclər Təşkilatı və şəhər Gənclər və İdman Baş İdarəsinin birgə təşkilatçılığı ilə Ümummilli Lider Heydər Əliyevin əziz xatirəsinə həsr edilmiş Universitetin fakültələrarası bilik yarışı təşkil edilmişdir. Yarışın keçirilməsində məqsəd Ümummilli Lider Heydər Əliyevin xatirəsini yad etmək, gəncləri intellektual fəaliyyətə cəlb etmək, bu sahədə bilik və bacarıqlarını artırmaq, mövcud intellektual bazalarını genişləndirmək, sağlam elmi rəqabət mühiti yaratmaq və asudə vaxtlarını səmərəli təşkil etməkdir.

Tədbirdə çıxış edənlər Baş İdarənin Gənclərlə iş sektorunun müdiri Ceyhun Hüseynov, Universitetin tələbə-gənclər təşkilatının sədri Nicat Hüseynov və sədr müavini Eldar Müzəffərov Ulu Öndər Heydər Əliyevin həmişə gənclərə güvəndiyini, onlara etimad göstdiyini, gənclər siyasətinin dövlət siyasətinin əsas tərkib hissəsi olduğunu və günümüzdə bu siyasətin cənab Prezident İlham Əliyev tərəfindən uğurla davam etdirildiyini bildirərək, iştirakçılara uğurlar arzulamışlar.

Nə? Harada? Nə zaman? formatında keçirilən bilik yarışında ümumilikdə 48 nəfər olmaqla 8 komanda iştirak edib. Yarışmanın sonunda Filologiya fakültəsinin komandası I, Tarix və Coğrafiya II, İqtisadiyyat və İdarəetmə fakültəsinin komandası isə III yeri tutmuşdur.

Qalib komandalar Baş İdarənin diplom, kubok, medal və hədiyyələri ilə təltif edilmiş, fasilə zamanı isə iştirakçılara çay süfrəsi təşkil edilmişdir.

 

 

 

 

 

 

 

 

Xəbərdən istifadə edərkən istinad etmək vacibdir.