Azərbaycan ərazisində hiss olunan zəlzələ sayının artması insanlar arasında təşvişə səbəb olub.
Respublika Seysmoloji Mərkəzinin direktoru Qurban Yetirmişli isə əhalini təşvişə düşməməyə çağırıb.
Direktor bildirib ki, insanların narahatçılığına əsas yoxdur. Qurban Yetirmişlinin sözlərinə görə, ölkəmizdə Yaponiya, İndoneziya, Çili ilə müqayisədə durğunluq mövcuddur.
"Bu gün İsmayıllı-Pirqulu ərazisində 2 zəlzələnin baş verməsi seysmik zona üçün təbii hadisədir. Şamaxı-İsmayıllı bölgəsi aktiv seysmik zona hesab olunur. İnsanların təşvişə düşməsinə əsas yoxdur. Sadəcə deyə bilərəm ki, narahat olmayın”.
Qurum rəsmisi qeyd edib ki, bu il Azərbaycan ərzisində 9 mindən çox yeraltı təkan qeydə alınıb. "Lakin onların 20-i hiss olunan yeraltı təkanlardır. Zəlzələrin sayı bu il çox ola bilər, lakin 2015-ci illə müqayisədə hiss olunan yeraltı təkanların sayı azdır. Əhalinin təşvişə düşməsi üçün əsas yoxdur. Dağıdıcı zəlzələlərin olması gözlənilmir”.
Qeyd edək ki, bu gün İsmayıllı ərazisində 4 bal gücündə 2 zəlzələ olub.(AzVision.az)
Xəbərdən istifadə edərkən istinad etmək vacibdir.
