Azərbaycan Respublikasının Prezidenti yanında Gənclər Fondunun dəstəyi ilə  həyata keçirilən “Veb layihələr sərgisi” layihəsi çərçivəsində Sumqayıt şəhərində “Reduco” Təlim Tədris Mərkəzində sonuncu tədbir təşkil olunub.

Layihənin rəhbəri Ağasəlim Məmmədov açıqlamasında bildirib ki, ümumilikdə layihə çərçivəsində 10-dan çox veb layihənin təqdimatının keçirilməsi üçün şərait yaradılıb. Veb layihələr sərgisində 100-dən çox gənc iştirak edib. Tədbirdə iştirak edən gənclər komanda formalaşdırmaq, uğurlu veb layihələrin nümayəndələri ilə əlaqələr yaratmaq, öz ideyalarını həyata keçirtmək imkanı əldə ediblər.