Azərbaycan Respublikasının Prezidenti yanında
Gənclər Fondunun maliyyə dəstəyi və Azərbaycan Turizm və Menecement
Universitetinin tərəfdaşlığı ilə "Vətənpərvər Maarifçi Gənclər” ictimai birliyi
tərəfindən "Gəzməyə vətən
yaxşı” –-gənc bələdçilər üçün 5 günlük təlimlər yekunlaşıb. Xeberle.com-un məlumatına görə, fevralın 23-dən 28-dək keçirilən təlimlər çərçivəsində bələdçi olmaq istəyən
gənclərin bilik və bacarıqlarının inkişaf etdirilməsi, peşəkar bələdçilərin
praktik təcrübələrinin gənclərə öyrədilməsi məqsədilə onlara turizm sektoru,
azərbaycan turizminin spesfik xususiyyətləri, peşə bacarıqları barədə geniş məlumatlar
verilib. Bakı Dövlət Universitetinin,
Azərbaycan Turizm və Menecement Universitetinin, hazırda bələdçi kimi çalışan
və ya gələcəkdə bələdçi olmaq istəyən 50-dən çox gənc yeni biliklərə yiyələnib. Layihə
çərçivəsində gənclərin bələdçi peşəsinin özəlliklərini daha yaxşı qavramaları
üçün onların Rafael Bədəlovun bələdçili ilə iştirakçıların çox bəyəndikləri İçərişəhər
turu da təşkil edilib.
Təlimçi Ümumdünya Bələdçi Federasiyasının təlimçisi Səkinə Əsgərova layihənin
son günündə də müvafiq təlim proqramının mövzuları üzrə təlimini keçdikdən
sonra, mövcud problemlər barədə fikir mübadiləsi apararaq, iştirakçıların suallarını
cavablandırmaqla layihəni yekunlaşdırıb. Təlim bitdikdən sonra iştirakçılara sertifikatlar təqdim olunub.
Xeberle.com
Xəbərdən istifadə edərkən istinad etmək vacibdir.