Dünyada pensiya üçün ortalama yaş həddi 60-dır. Lakin zaman-zaman baş verən iqtisadi böhran pensiya yaşının qaldırılması kimi məsələlərdə də öz təsirini göstərir. Məsələn, Yunanıstanda baş verən məlum böhran dönəmində Avropa Birliyi məsləhət görmüşdüki, pensiya yaşını 58-dən 62-yə qaldırsınlar. Avropa ölkələrində isə pensiya üçün ən aşağı yaş həddi Fransada Sarkozi dönəmində olmuşdur. Belə ki, Sarkozi hakimiyyətdə olan zaman Fransada pensiya yaşı 60 müəyyən edilmişdir. Amma İspaniyada Fransadan fərqli olaraq pensiya yaşı 65-dir və İspaniya höküməti zaman-zaman bu yaş həddini 67 etmək istəyib. İngilitərədə isə pensiya yaşı hal-hazırda qadınlar üçün 60, kişilər üçün isə 65-dir. 2020-ci ildə sözügedən yaş limiti hər iki cins üçün 65 olacaq. 2046-cı ilə kimi zaman-zaman yaş limiti 68-ə kimi yüksəldiləcək. Daha sonra Avropanın inkişaf etmiş Skandinav ölkələrindən olan Danimarkada pensiya yaşı 65-dir. Portuqaliyada isə vəziyyət daha sərtdir. 2007-ci ildən etibarən pensiya yaşı 65 nəzərdə tutulub və pensiyanı almaq üçün 40 il işləmək lazım gəlir. İtaliya hökuməti isə 2008-ci ildən etibarən peşə idarələri ilə pensiya yaşını qaldırmaq üçün müəyyən anlaşmalar imzalayıb. Digər Avropa ölkələri məsələn İsveçdə 65, Almaniyada isə 67 yaşdır.
Daşqın Əliyev
Xəbərdən istifadə edərkən istinad etmək vacibdir.