18.03.2017-ci il tarixində Qubadlı rayon İcra Hakimiyyətinin təşəbbüsü ilə rayon Mədəniyyət evinin qarşısında baharın gəlişi münasibəti ilə bayram konserti keçirilib. Konsertin keçirildiyi ərazidə  milli adət-ənənələrimizi özündə əks etdirən sərgilər, təşkil olunub. Aparıcıların təbrikindən sonra, Qubadlı rayon İcra Hakimiyyətinin başçısı cənab Malik İsaqov məcburi köçkünləri bayram münasibəti ilə təbrik edib. Daha sonra, Milli Qəhrəmanımız Əliyar Əliyevin övladı Emin Əliyev məsəl yandıraraq Novruz tonqalını alovlandırıb. Tonqalın alovlanması ilə tədbirə Kosa, Keçəl və Bahar qızı gələrək tamaşçıları təbrik ediblər. Həmçinin kəndirbazların müxtəlif nömrələri tamaşaçılara xoş əhval ruhiyyə bəxş edib. Konsert proqramı tədbirə dəvət olunmuş sənətçilərin - bədiyə ustası Namiq Mənanın, Aşıq Əlinin, Zahid Qubadlının, Sevinc Sarıyevanın, Aşıq Kəmalə Qubadlının, Tural Salmanovun, Tağı Salehoglunun biri birindən rəngarəng musiqi nömrələri ilə davam edib.