Azərbaycandan Ümrə ziyarətinə gedən 60 nəfərlik qrup Vətənə qayıdıb.
Bu barədə
Xeberle.com-a Qafqaz Müsəlmanları İdarəsinin (QMİ) nümayəndəsi, Azərbaycanın Həcc missiyasının üzvü Həmdulla Babayev məlumat verib.
Onun sözlərinə görə, ziyarət dövründə zəvvarların səhhətində heç bir problem olmayıb: "Zəvvarlar öz ibadətlərini sağ-salamat şəkildə sona çatdırıblar. Hazırda orada havanın temperaturu 30-32 dərəcə təşkil etdiyindən ziyarətçilər hava şəraiti ilə bağlı çətinliklər də yaşamırlar. Növbəti qrupun ziyarətə nə zaman gedəcəyi hələlik məlum deyil".
Qeyd edək ki, martın 17-də Ümrə ziyarətinə yola düşən qrup 60 nəfərdən ibarət idi. Zəvvarların 48 nəfəri qadın, 12-si kişi olub. Onlardan 30 nəfəri 2 230, 30 nəfəri isə 1 590 dollarlıq xidmət paketindən istifadə ediblər.
Xəbərdən istifadə edərkən istinad etmək vacibdir.