Etilen-polietilen zavodunun Qaz məhsullarının qəbulu və buraxılması sahəsinin xüsusi yaşıllıq zonası üçün ayrılmış ərazisində ümumilikdə 800 növ müxtəlif ağac növləri əkilib.
Xeberle.com xəbər verir ki, "Azəriqaz” İstehsalat Birliyinin (İB) ictimaiyyətlə əlaqələr şöbəsindən AZƏRTAC-a bildirilib ki, "Azəriqaz” və "Azərkimya” İB-lərinin əməkdaşları Sumqayıt şəhəri ərazisində abadlaşdırma və yaşıllıqların salınması məqsədilə birgə iməciliklər keçiriblər. Ətraf mühitin mühafizəsi və insanların sağlam təbii mühitdə yaşaması istiqamətində aparılan işlər sırasında yaşıllaşdırma işlərinin mühüm əhəmiyyət kəsb etdiyini nəzərə alaraq bu sahəyə xüsusi diqqət yetirilib. İməcilik zamanı Etilen-polietilen zavodunun Qaz məhsullarının qəbulu və buraxılması sahəsinin xüsusi yaşıllıq zonası üçün ayrılmış ərazisində ümumilikdə 800 növ müxtəlif ağac növləri əkilib. Ərazidə mövcud olan ağac və tinglərə su verilib və dibləri bellənib.
İməciliyə səhər saatlarından start verilib və bir neçə saat davam edib. İməcilikdə "Azəriqaz” və "Azərkimya” İstehsalat Birliklərinin 100-dən çox əməkdaşı iştirak edib. İməciliklərin növbəti şənbə günlərində də davam etdirilməsi nəzərdə tutulub.

Xəbərdən istifadə edərkən istinad etmək vacibdir.