Qarabağ Əlilləri və Veteranları” İctimai Birliyi, Azərbaycan Respublikasının  Prezidenti yanında  Qeyri Hökumət Təşkilatlarına Dövlət Dəstəyi Şurasının maliyyə dəstəyi ilə "Qarabağ müharibəsi iştirakçılarının tibbi və sosial xidmətlərə çıxış imkanlarının monitorinqi” adlı Layihəsinin II- icra mərhələsinə start verdi. Xeberle.com xəbər verir ki, bu barədə birlik.az saytına qurumun mətbuat xidmətindən məlumat verilib. Layihənin rəhbəri Növrəstə Yusifova məlumat üçün bildirdi ki, Layihənin əsas məqsədi Qarabağ müharibəsi və ona bərabər eyni statuslu  2016-cı il aprel döyüşlərinin iştirakçıları üçün təsbit edilmiş tibbi yardım və digər sosial hüquqlardan yararlanma səviyyəsinin müəyyənləşdirilməsi və bu sahədə mövcud problemlərin real səbəblərinin aydınlaşdırılması  üçün Vətəndaş Cəmiyyətinin üzvü kimi, Təşkilatımız monitorinq həyata keçirmək niyyətindədir. Bununla yanaşı Qarabağ müharibəsi və 2016-cı il aprel döyüşlərinin iştirakçıları əlil-veteranları  üçün Oğuz, Şəki və Qax rayonlarında onların asudə vaxtlarının səmərəli keçirilməsi təşkil olunaçaqdır.  Layihənin birinci turu Vətənimizin dilbər və qədim diyarı olan Şəki şəhərində Azərbaycan Respublikasının  Milli bayramı olan "RESPUBLİKA GÜNÜ”nü  27-28 may 2017-ci il tarixdə keçirməyi nəzərdə tutur.Təşkil olunan və keçiriləcək tədbir zamanı layihənin xərclər smetasında təsdiq olunmuş maliyyəyə əsasən, icarəyə götürülmüş avtobusla iki gün ərzində Şəki şəhərində bir gecə oteldə qalmaqla, hər bir gün üçün üç dəfə yemək, çay, gəzinti və kiçik bayram hədiyyələri veriləcəkdir. Layihənin yüksək səviyyədə keçirilməsi, Dövlət rəhbərimizin və Şuranın rəhbərliyinin Müharibə iştirakçılarına daima olan diqqət-qayğısının nəticəsidir.