2016-cı il ərzində güzəştli kredit almaq məqsədilə sahibkarlıq subyektləri tərəfindən Sahibkarlığa Kömək Milli Fondunun 54 müvəkkil kredit təşkilatına 3252 müraciət daxil olub.
Oxu.Az fondun 2016-cı il üzrə illik hesabatına istinadən xəbər verir ki, müvəkkil kredit təşkilatları tərəfindən müraciətlərin 3198-i müsbət qiymətləndirilib. 54 müraciət isə sahibkarın təqdim etdiyi hüquqi sənədlərin mövcud qanunvericiliyin tələblərinə uyğun olmamasına görə rədd edilib.
Müraciətlər üzrə ümumi kredit tələbatı 238996.5 min manat, o cümlədən müsbət qiymətləndirilmiş müraciətlər üzrə 238282.6 min manat, imtina olunan müraciətlər üzrə 713.9 min manat olub.
2016-cı il ərzində Sahibkarlığa Kömək Milli Fondu vasitəsilə dövlətin güzəştli kreditləri hesabına maliyyələşdirilməsi məqsədilə müvəkkil kredit təşkilatlarına Abşeron iqtisadi rayonu üzrə 100 (3.1%), Gəncə-Qazax iqtisadi rayonu üzrə 514 (15.8%), Şəki-Zaqatala iqtisadi rayonu üzrə 234 (7.2%), Lənkəran iqtisadi rayonu üzrə 344 (10.6%), Quba-Xaçmaz iqtisadi rayonu üzrə 275 (8.5%), Aran iqtisadi rayonu üzrə 1322 (40.7%), Yuxarı Qarabağ iqtisadi rayonu üzrə 147 (4.5%), Dağlıq Şirvan iqtisadi rayonu üzrə 151 (4.6%) və Bakı şəhərinin qəsəbələri üzrə 165 (5.1%) müraciət daxil olub.
Fond vasitəsilə dövlətin güzəştli kreditləri hesabına maliyyələşdirilməsi məqsədilə müvəkkil kredit təşkilatlarına müraciət etmiş sahibkarlıq subyektlərinin investisiya layihələrinin güzəştli kredit tələbatı 238996.5 min manat təşkil edib. Abşeron iqtisadi rayonu üzrə 32877 min manat (13.8%), Gəncə-Qazax iqtisadi rayonu üzrə 23591.2 min manat (9.9%), Şəki-Zaqatala iqtisadi rayonu üzrə 2189.5 min manat (0.9%), Lənkəran iqtisadi rayonu üzrə 14593.6 min manat (6.1%), Quba-Xaçmaz iqtisadi rayonu üzrə 57483.7 min manat (24.1%), Aran iqtisadi rayonu üzrə 60345.6 min manat (25.2%), Yuxarı Qarabağ iqtisadi rayonu üzrə 8297.5 min manat (3.5%), Dağlıq Şirvan iqtisadi rayonu üzrə 4058 min manat (1.7%) və Bakı şəhərinin qəsəbələri üzrə 35560.5 min manat (14.9%) olub.
2016-cı il ərzində Fond vasitəsilə dövlətin güzəştli kreditləri hesabına maliyyələşdirilməsi məqsədilə müvəkkil kredit təşkilatlarına müraciət etmiş sahibkarlıq subyektlərinin investisiya layihələrinin 3100-ü (95.3%) aqrar sektorun inkişafı, 152-si (4.7%) isə müxtəlif sənaye və digər sahələrin inkişafı sahələrini əhatə edib.
Beləliklə, il ərzində sahibkarlıq subyektlərinə güzəştli kredit verilməsi məqsədilə müvəkkil kredit təşkilatları tərəfindən Sahibkarlığa Kömək Milli Fonduna təqdim edilən 2424 müraciətə baxılıb. 2350 (96.9%) müraciətin (investisiya layihəsinin) maliyyələşdirilməsinə müsbət rəy verilib. 74 (3.1%) investisiya layihəsi üzrə sahibkarların təqdim etdiyi hüquqi sənədlərin mövcud qanunvericiliyin tələblərinə uyğun olmaması səbəblərinə görə imtina verilib. Bu müraciətlərdən isə 32-nə çatışmamazlıqlar ardan qaldırıldıqdan sonra müsbət rəy verilib. Maliyyələşdirilməsinə müsbət rəy verilmiş investisiya layihələrinin 2274-ü (96.8%) kiçik həcmli, 36-sı (1.5%)
orta həcmli və 40-ı (1.7%) isə böyük həcmli olub.
Xəbərdən istifadə edərkən istinad etmək vacibdir.
