O, heç nədən və heç kimdən qorxmurdu.
İyirmi beş ildir ki, Milli Qəhrəman Çingiz Mustafayev bizi tərk edib.
Jurnalist idi, yaraşıqlı idi, heç nədən və heç kimdən qorxmurdu, vətəni Azərbaycanı həddindən çox sevirdi. Milli Qəhrəman Çingiz Mustafayevi dostları və tanışları belə xatırlayır, bütün ölkə isə onu cəbhə xəttindən olan reportajları ilə anırıq. Onun bir çağırışı ilə on minlərlə oğlan və qız onunla birlikdə Qarabağa yollanmağa hazır idi.
O, 1992-ci il 15 iyunda Xankəndi şəhərinin yaxınlığında yerləşən Naxçıvanik kəndi ətrafında döyüş meydanında əsl qəhrəman kimi həlak oldu. Ağır yaradan dünyasını dəyişmişdi, amma əlindəki kamerası işləməkdə davam edirdi və Azərbaycan əsgərlərinin ermən işğalçıları ilə döyüşünü çəkməkdə davam edirdi.
Mən Çingizi yaxşı tanıyırdım. Onunla birlikdə Qarabağda işləmişəm, birlikdə Xocalı faciəsinin dəhşətli kadrlarını çəkmişik. Onun filmi olmasa idi, ermənilərin bu Azərbaycan şəhərinin dinc əhalisinə qarşı törətdikləri soyqırım dəhşətindən, erməni siyasətçilərinin dəhşətli cinayətindən dünyaya xəbər tutmazdı.
Çingiz, etdiyin hər şeyə görə Sənə təşəkkür edirəm. Sən dünyadan çox gənc getdin. Oğlun yenicə yeriməyə başlamışdı və bu lənətə gəlmiş müharibə onun atasını əlindən aldı. Ən başlıcası isə, Sən bizim gənclərə çox şey bəxş etdin - hər şeydən öncə onlara igidlik, əsl kişi kimi davranmaq və Vətənimiz Azərbaycana böyük sevgi öyrətdin.
Allah Sənə rəhmət etsin! Mən ümid edirəm ki, Vətən heç zaman nə səni, nə də öz həyatını ölkənin müstəqilliyi uğrunda həlak olmuş başqa qəhrəmanları unutmayacaq!
Mais Məmmədov - Sənə və Sənin ailənə böyük ehtiram duyğuları ilə!
Xəbərdən istifadə edərkən istinad etmək vacibdir.
