"Azərbaycan Həqiqətləri Uğrunda” Koalisiya üzvləri 26 iyun Azərbaycan Silahlı Qüvvələrinin yaranmasının 99 il münasibətilə Qarabağ müharibəsində könüllü olaraq, erməni təcavüzkarlarına qarşı vuruşaraq şəhid olmuş Fərman Məlikovun ailə üzvərinin yaşadığı Binəqədi rayonu, 7-ci mikrorayon ərazisində öz vəsaitləri hesabına ucaltdıqları abidəni ziyarət etdilər. Qurumun mətbuat xidmətindən Birlik.Az`a verilən xəbərə görə tədbirdə Binəqədi rayon Bələdiyyəsinin nümayəndəsi, şəhidin ailə üzvləri, Qarabağ Qaziləri, Aprel döyüşlərinin iştirakçısı, dəvət olunmuş qonaqlardan Qeyri-Hökumət Təşkilatlarının sədrləri və onların üzvləri, eləcə də rayon sakinləri iştirak etdilər. Tədbiri ilk öncə "Mina Qurbanlarının Sosial-İqtisadi Probelmlərinin Həllinə Kömək” İctimai Birliyinin sədri Məmmədhəsən Həsənov açaraq, hər kəsi salamladı və bu abidə önünə yığışmağın səbəbi Respublikası Silahlı Qüvvələr günü münasibətilə şəhidlərizin unudulmadığını və hər zaman diqqət mərkəzində olduğunu bildirdi və sözü şəhidin qardaşı Qarabağ müharibəsi iştirakçısı Telman bəyə verdi. O, da öz qardaşı haqqında döyüşçü yoldaşlarının danışdıqları xatirələrlə bölüşdüşdü və bu gün bu abidə önündə yığışıb şəhid Fərman Məlikovu yad edənlərə öz təşəkkürünü bildirdi. Tədbirdə həmçinin iştirak edən qonaqlar çıxış edərək öz təəssüratları ilə bölüşdülər. Binəqədi rayon Bələdiyyəsinin nümayəndəsi də öz çıxışında qeyd etdi ki, "Abidənin baxımsız qalaraq bəzi yerləri dağılmışdır. Bununla əlaqədar olaraq, "Azərbaycan Həqiqətləri Uğrunda” Koalisiya üzvlərinin ünvanladığı rəsmi məktuba əsasən artıq aidiyyəti qurumlara tapşırıqlar verilib və yaxın bir zamanda abidə bərpa olunacaqdır.” Tədbir adibə önündə Azərbaycan Himni səsləndirilərək yekunlaşdı. Bundan sonra Fərman Məlikovun ailə üzvlərinin yaşadığı binanın giriş qapısında yaradılmış barelyef ziyarət olundu.
Tədbirin ikinci hissəsi Binəqədi rayonu ərazisində yerləşən "Qarabağ Əlilləri və Veteranları” İctimai Birliyinin ofisində ilk öncə şəhidlərin xatirəsi bir dəqiqəlik sükütla yad edilərək davam etdi. Tədbirdə iştirak edən qonaqlar öz çıxışlarında Azərbaycan Respublikası Silahlı Qüvvələr günü və Ramazan bayramı münasibətilə xoş sözlər və təbriklər səsləndirdilər. Tədbirin sonunda "Qarabağ Əlilləri və Veteranları” İctimai Birliyinin sədri Novrəstə Yusifova tədbir iştirakçılarına və gələn qonaqlara Azərbaycan Respublikası Silahlı Qüvvələr günü və Ramazan bayramı münasibətilə öz hədiyyəsini təqdim etdi.
Xəbərdən istifadə edərkən istinad etmək vacibdir.
