"Qarabağ Əlilləri və Veteranları” İctimai Birliyinin sədri, Layihənin rəhbəri Növrəstə Yusifova məlumat üçün bildirdi ki, Azərbaycan Respublikasının Prezidenti yanında Qeyri Hökumət Təşkilatlarına Dövlət Dəstəyi Şurasının maliyyə dəstəyi ilə "Qarabağ müharibəsi iştirakçılarının tibbi və sosial xidmətlərə çıxış imkanlarının monitorinqi” adlı Layihəsi çərçivəsində Qarabağ müharibəsi və ona bərabər eyni statusa malik 2016-cı il aprel döyüşlərinin iştirakçıları üçün təşkil olunmuş təlim və tur 24-25 iyun 2017-ci il tarixdə Oğuz rayonunda həyata keçirildi. Oğuz rayonunda keçirilən bu tur öncəkindən fərqli olaraq müharibə iştirakçılarını maraqlandıran tibbi və sığorta ilə bağlı mövcud sosial problemlərin həlli istiqamətində suallarını tibbi-ekspert cavablandırdı, təbiət qoynunda Şəki-Oğuş yolunda yerləşən "Yaşıl Məkan” adlı qoruğda olduq, əkilmiş müxtəlif nadir ağacların, güllərin və heyvanların saxlanılması, qorunması ilə müdür tanış etdi.
Qurumun mətbuat xidmətindən Birlik.Az`a verilən xəbərə görə tədbirin 2-ci günü 25 iyun 2017-ci il tarixdə QHT-na DD Şurasının maliyyə dəstəyi ilə Layihəyə ayrılmış vəsaitlə müharibə iştirakçılarını, qarşıdan gələn Azərbaycan Respublikası "Silahlı Qüvvələri Günü” münasibəti ilə təbrik etdik və onlara bayram sovqatları təqdim olundu.
Azərbaycan Respublikasının Prezidenti İ.Əliyev cənablarına və yanında Qeyri Hökumət Təşkilatlarına Dövlət Dəstəyi Şurasının rəhbəri A.Quliyevə və kollektivinə Qarabağ müharibəsi iştirakçılarına daima olan diqqət-qayğısına, Layihənin yüksək səviyyədə keçirilməsi üçün ayrılmış maliyyə dəstəyinə görə rəhbərlik və coxsaylı əlil-veteran üzvləri adından təşəkkürümüzü bildiririk.
Xəbərdən istifadə edərkən istinad etmək vacibdir.
