Wikipedia-nın Azərbaycan dilində olan bölməsində hazırda 122 min 515 məqalə var. Son illərdə bu virtual ensiklopediyada ana dilimizdə məqalələrin yaradılmasında böyük fəallıq müşahidə olunur. AMEA Mərkəzi Elmi Kitabxanasından Modern.az-a verilən məlumata görə, 2017-ci ilin iyul ayında Azərbaycan dilində olan Wikipedia (Azviki) bir pillə irəliləyiş əldə edib. Azviki urdu dilində olan Wikipedia-nı keçərək 53-cü pilləyə yüksəlib. Hədəf ən qısa zamanda ilk "50-lik”ə daxil olmaq və beləliklə həm kəmiyyət, həm də keyfiyyət baxımından yüksək inkişaf əldə etməkdir. 
AMEA Mərkəzi Elmi Kitabxanasının sərbəst elektron resuslarla iş şöbəsinin əməkdaşları Wikipedia  elektron ensiklopediyasının Azərbaycanda kütləviləşdirilməsi istiqamətində işlərinə davam etməkdədir. Mərkəzdə Wikipedia ilə bağlı öyrədici seminarlar, görüşlər və tədbirlər müntəzəm formada təşkil edilir.

Xəbərdən istifadə edərkən istinad etmək vacibdir.