Sumqayıt şəhərinin ərazisi 94,7 kvadrat kilometr, əhalinin sıxlığı isə bir kvadrat kilometrə 3591 nəfər təşkil edir ki, ölkənin başqa şəhərlərinə nisbətən əhalisi ən sıx olan şəhərdir.

 Dövlət Statistika Komitəsinin Sumqayıt şəhər şöbəsindən Xeberle.com-a verilən məlumata görə, 2017-cı ilin iyul ayının 1-i vəziyyətinə Sumqayıt şəhər ərazisinin əhalisi 340,1 min nəfər olub, (o cümlədən: Sumqayıt şəhəri 304.5, H.Zeynalabdin qəsəbəsi 22,3, Corat qəsəbəsi 13,3 min nəfər) və ötən ilin müvafiq dövrü ilə müqayisədə 2500 nəfər və ya 0,7% artıb. Əhalinin ümumi sayından 167.7 min nəfər və ya 49, 3 faizini kişilər,172.4 min nəfər və ya 50,7 faizini qadınlar təşkil edir. Bundan başqa şəhər ərazisində 52,9 min nəfərdən yuxarı qaçqın və məcburi köçkün məskunlaşıb. Cari ilin yanvar-iyun aylarında şəhərə gələnlərin sayı 73 nəfər, gedənlərin sayı isə 189 nəfər olub.