“ANS” Müstəqil Yayım və Media Şirkəti və xəbər saytları arasındakı münasibətlər gərgin olaraq qalır. 

“ANS” Şirkətlər Qrupunun müşaviri Mais Məmmədov Hafta.az-a açıqlamasında adı hallanan saytlara heç bir güzəştin edilməyəcəyini bildirib:

“Məhkəmənin vaxtı hələ ki, bilinmir. Məlum olanda bu barədə informasiya veriləcək və saytlar da çağırılacaq. “ANS”in iddianı geri götürmək kimi fikri yoxdur”.

Şirkət bəzi portalların qərəzli və əsassız məlumatları əsasında “ANS”in işgüzar nüfuzuna maddi və mənəvi ziyan dəydiyini bəyan edib və 14 portalı qanunvericiliyə əsasən məhkəməyə verib. 

Ayrı-ayrı sayt rəhbərləri isə öz növbəsində səslənən iddiaları əsassız sayırlar və hansısa anlaşılmazlıq olduğunu deyirlər.


Şirkətin Hüquq Departamentindən verilən məlumata görə, məhkəmədə cavab verəcək portallar aşağıdakılardır:

“aznews.az, ınterpress.az, azvision.az, demokratiya.info, axar.az, publika.az, presspost.az, dunyatv.az, realxeber.az, etatist.com, xalqxeber.az, baymedia.az, avrasiya.net, marka.az”.