Ekologiya və Təbii Sərvətlər Nazirliyi (ETSN) tərəfindən "Xəzər həftəsi”nin keçirilməsi məqsədi ilə hazırlanmış müvafiq tədbirlər planına əsasən nazirliyin müvafiq qurumlarının əməkdaşları, yerli icra strukturları, bələdiyyələr və ictimaiyyət nümayəndələrinin iştirakı ilə Sumqayıt şəhəri ərazisində Xəzər dənizinin sahil zolağında iməcilik keçirilib.
İməcilikdə Xəzər dənizinin sahil zolağı bərk məişət və digər növ tullantılardan təmizlənib.
Qeyd edək ki, "Beynəlxalq dəniz günü” Azərbaycanda hər il "Xəzər həftəsi” adı altında müxtəlif kütləvi tədbirlərlə qeyd olunur. "Xəzər həftəsi” çərçivəsində Ekologiya və Təbii Sərvətlər Nazirliyi tərəfindən keçirilən bütün tədbirlər dənizin ekoloji cəhətdən saflığının və davamlılığının qorunmasına, onun sərvətlərinin mühafizə olunmasına, eyni zamanda ictimaiyyətin maarifləndirilməsinə yönəlib.

Xəbərdən istifadə edərkən istinad etmək vacibdir.