Nəfəs LGBT Azərbaycan Alyansının rəhbəri Atilla (Cavid) Nəbiyev Niderland Krallığının Azərbaycandakı səfirinin müavini Özlem Canel ilə görüşüb. Alyansdan “Xeberle.com”-a verilən məlumata görə,  Özlem Canel son günlər Azərbaycanda müşahidə olunan intihar hadisələrindən, əsasən də Azad LGBT Azərbaycan təşkilatının rəhbəri İsa Şahmarlının vəfatı xəbərindən üzüldüyünü dilə gətirib.

 Görüş zamanı Azərbaycandakı LGBT hüquqlarının vəziyyəti barədə müzakirələr aparlıb. Təşkilat rəhbəri son zamanlar artan nifrət cinayətləri, onun baş vermə səbəbləri barədə məlumat verib. Atilla(Cavid) Nəbiyev bildirib ki, bu istiqamətdə kütləvi məlumatsızlığın və LGBT hüquqlarının müdafiəsi ilə bağlı qanunvericilikdə boşluqların olması nəticəsində cəmiyyətdə homofobia və onun qurbanları sürətlə artmaqdadır.

 Öz növbəsində Özləm Canel bildirib ki:"Niderland Krallığı fərdi azadlığa önəm verir. LGBT hüquqlarının müdafiəsi Niderland Krallığının insan haqları strategiyasinda önəmli yer tutur. Biz səfirlik olaraq sizin fəaliyyətinizi dəstəkləyirik və sizin digər beynəlxalq hüquq təşkilatları ilə əməkdaşlıq qurmağınızda sizə yardımçı olacağıq.