Sumqayıt həmişə istedadlı və görkəmli insanları ilə seçilib. O şəxslər bütün sahələrdə öz sözünü deyərək Sumqayıtı tanıtmaqla yanaşı, insanların qəlblərində də iz qoymağı bacarıblar. Bundan əlavə adları Sumqayıtla bağlı olan bir sıra görkəmli şəxslər də var ki, onlar da şəhər sakinləri tərəfindən çox sevilir. Dövlət xadimləri, klassiklər, qəhrəmanlar və şəhidlərimiz də öz yerində…
Bəs Sumqayıtın aktiv internet istifadəçiləri şəhərdə kimlərin büstlərinin qoyulmasını arzu edirlər? Xeberle.com olaraq sosial şəbəkələrdəki istifadəçilərimizə bu ümumi sualı ünvanladıq.

"Sizcə, Sumqayıtda hansı şəxslərin adına büst qoymaq olar?”
Xatırladaq ki, 16-cı mkr-da İsmət Qayıbovun, 6-cı mkr-da isə Zülfü Hacıyevin barelyefi var.
Facebook istifadəçiləri digər cavablar da veriblər. Maraqlıdır ki, dünyasını dəyişənlərlə - Məmməd Əmin Rəsulzadə (Dövlət və ictimai xadimi, siyasətçi və publisist, Azərbaycan Xalq Cümhuriyyətinin banilərindən biri), Əbülfəz Elçibəy (Azərbaycan Xalq Cəbhəsinin lideri və Azərbaycan Respublikasının 2-ci prezidenti), Əliağa Vahid (şair, qəzəlxan, Azərbaycanın ilk Dövlət Mükafatı laureatenin sahibi), Koroğlu (xalq qəhrəmanı) yanaşı hazırda yaşayan və fəaliyyətdə olan şəxslərin də adını çəkiblər – Cahangir Müslümzadə (ictimai-siyasi xadim, Sumqayıt Şəhər Partiya Komitəsinin sabiq birinci katibi), Rəfael Ağayev (karateçi), İlham Zəkiyev (cüdoçu), Şəhriyar Məmmədyarov (beynəlxalq qrossmeyster).
Sorğuya qoşulanlar Sumqayıtda "Qabar əllər” (Sumqayıtın zəhmətkeş şəhər olmasının simvolu kimi) abidəsinin də inşa olunması istəyiblər.
Gələcəkdə də bu yöndə - virtual sorğularımızı davam etdirəcəyik.
Hicranə İsmayılova
Xeberle.com

Xəbərdən istifadə edərkən istinad etmək vacibdir.