Sumqayıtda normadan artıq yük aparan avtomobillərə
qarşı tədbirlər gücləndirilib.
Xeberle.com-un məlumatına görə, bu məqsədlə Sumqayıt şəhər Polis İdarəsinin
Dövlət Yol polisi şöbəsinin əməkdaşları reydlərə başlayıb.
Şəhərin əsas girişində keçirilən reyd zamanı maşına normadan artıq
yük vuran və sənədləri qaydasında
olmayan 15-ə yaxın sürücü inzibati məsuliyyətə cəlb edilib. Belə avtomobillər yol verildiyindən daha artıq
yük yığmaqla digər hərəkət iştirakçıları üçün təhlükə yaradır.
Qaydaları pozan yük avtomobillərinin bəziləri isə müvəqqəti
duracağa yerləşdirilib.
Belə reydlərin bundan sonra da davam etdiriləcəyi nəzərdə
tutulur.
Hicranə İsmayılova
Xeberle.com
Xəbərdən istifadə edərkən istinad etmək vacibdir.
