Xəbər verdiyimiz kimi Qubadlı rayonundan məcburi köçkün, Qarabağ müharibəsi veteranı, Sumqayıt şəhər 20/21-ci mkr ərazisində ev 777-də məskunlaşan Yadulla Cümşüdov və Sumqayıt şəhər sakini Murad Muradov arasında torpaq davasına dair çəkişmə mətbuat müstəvisində qarşılıqlı ittihamlarla davam etdirilməkdədir.
Belə ki, dünən redaksiyamızın elektron ünvanına Yadulla Cümşüdov tərəfindən daxil olmuş müraciət saytımızda yayınlandıqdan sonra, mülk sahibi hesab olunan Murad Muradov redaksiyamıza gələrək birincinin haqqında səsləndiridiyi ittihamları əsassız saymış və qarşı tərəf olraq hüququndan istifadə edərək Y.Cümşüdov barəsində əlində olan materilların sayıtımız tərəfindən yayınlanmasını xahiş etmişdir. Biz də peşə borcumuzu yerinə yetirərək sözügedən şəxsin açıqlamasını və bizə verdiyi məhkəmənin çıxardığı qətnamələri olduğu kimi işıqlandırmışıq.
Bu gün isə Y.Cümşüdov redaksiyamıza zəng edərək, dünən M.Muradovun onun və ailə üzvülərinin haqqında saytımızda gedən fikirlərin, yayılan foto və videoların əsassız, şər-böhtan olduğunu bildirərək yenidən elektron ünvanımıza yazılı açıqlama göndərib.
Xeberle.com olaraq Yadulla Cümşüdovun da qarşı tərəf haqqını tanıyaraq açıqlamasını olduğu kimi təqdim edirik.
Mən, Cümşüdov Yadulla Fətulla oğlu Sumqayıt şəhəri 20/21-ci mkr ərazisində ev 777-də məskunlaşan 40-a yaxın məcburi köçkünlər adından, Murad Muradovun Xeberle.com portalına verdiyi və 2017-сi il 4 dekabr tarixində saat 18:30-da yayımlanan materilları içtimaiyyəti çaşdırmağa hesablanmış addım olaraq qiymətləndirdiyim üçün sözügedən portalda qarşı tərəfin iddialarına cavab vermək qərarına gəldim.
Bildirim ki, biz 2017-ci il 2 dekabr tarixində Azərbaycan Respublikasının Prezidenti, Zati aliləri cənab İlham Əliyevə və Birinci Vitse Prezidenitimiz Mehriban xanım Əliyevaya ərizə ilə, eyni zamanda video yayımla müraciət etmişik. Əminliklə inanırıq ki, yaxın zamanda məcburi köçkünlərin sosial yaşayış şəraitinin yaxşılaşdırılması ilə bağlı böyük işlər görən, köçkünlərin problemlərinə daim diqqət və qayğı ilə yanaşan, vandal ermənilər tərəfindən işğal altında olan dədə-baba torpaqlarımızın sülh yolu ilə qaytarılması istiqamətində yorulmadan çalışan Dövlət Başçımız, Ali Baş Komandan cənab İlham Əliyev və Birinci Vitse prezidentimiz Mehriban xanım Əliyeva həsaslıqla yanaşacaq, biz köçkünləri bu gün qarşılaşdığımız ikinci köçkünlükdən, güzəranımıza çevrilən xata-baladan, şər-böhtandan və ən əsası dəqiqəbaşı təhdidlərdən qurtaracaq. Uca Allah Prezidetimiz cənab İlham Əliyevə və Birinci Vitse prezidentimiz Mehriban xanım Əliyeva və onların ailə üzvlərinə can sağlığı versin, onları Ulu Öndərimiz Heydər Əliyevin qurduğu Azərbaycanda əbədi olaraq var eləsin!
2017-ci il 2 dekabr tarixində Azərbaycan Respublikasının Prezidenti, Zati aliləri cənab İlham Əliyevə və Birinci Vitse Prezidenitimiz Mehriban xanım Əliyevaya ərizə ilə, eyni zamanda video yayımla müraciətimizdən sonra Muradov Murad Seyidqulu oğlunun adından nümayəndə adı ilə çıxış edən Elvin və Elçin Əhmədov qardaşları və onun gözə görünməyən havadarları bəzəkli, ilkin baxışda göz oxşayan daha dəqiq desək "toy klipi” düzəldiblər. Bu videoda bizim ailə üzvlərinin haqqında şər-böhtan xarekterli yanlış məlumatlar verməklə, bütün ölkə içtimaiyyəti çaşdırmağa cəhd edirlər. Bunların daha təcrübəli və professianal hazırlığı bizə onu deməyə əsas verir ki, sözüdən qardaşlar yanlış məlumatlar verməklə bu günə qədər mənfur yolla çoxlu mənfəət əldə ediblər. Belə yerdə atalar yaxşı deyib, "Yalan Ayaq Tutar Ancaq Yeriməz". Bunların kor məntiqi ilə yanaşsan kim harda şəkil çəkdirirsə deməli ona məxsusdu. Digərləri isə yayımlanan saxta, hec bir əsası olmayan arayışlardır ki, onun necə həyata vəsiqə qazandığı hamiya bəllidir. Misal üçün Qaçqınkomun Sumqayıt şöbəsinin arayışı ki, biz 1993-cü ildən Sumqayıt şəhər 20/21-ci mkr ərazisində ev 777-də məskunlaşsaqda bizi 2010-cu ildən məskunlaşanlar kimi təqdim edir. Hansı ki, bizim dövlətimizin qayğısı nəticəsində işıq, qaz və su ödənişləri Qaçqınkom tərəfindən 1993-cü ildən həmin ünvana köçürülür. Belə çıxır ki, bizim bu ərazi və fakitiki məskunlaşdığımız, artıq 25 ildir yaşadığımız, yuvamız olan bu 4 ev göydən düşüb. Yaxud müraciətimiz yayılan mətbuat orqanlarına min bir vasitə ilə zəng, xahiş və digər bəlli vasitələrlə təsir edərək bizə aid xəbərləri pozdururlar. Görünür belə şər-böhtanlarla ailələrinə çörək qazanmağı özlərinə fəxr və peşə bilən bu işbaz, ekiz - Elvin və Elçin Əhmədov qardaşları bizə bəlli olan lakin hələlik açıqlamadığımız havadarlarına böyük-böyük vədlər veriblər. Axı bu operativlik, işbazlıq və sadaladıqlarım qısa zaman kəsiyində 2-3 adamın dırnaqarası əməyinin yalançı bəhəri ola bilməz. Bütün bu görünən ittihamlardan bir daha aydın olur ki, bu qardaşlar heç bir əmək sərf etmədən bizim 25 illik qurduğumuz evləri özlərinin mülkü hesab etmək istiyirlər. Burda mütəşəkkillik göz önündədir, buda ki kor-kor, gör-gör. Bilirsiz belə ucuz şər-böhtanlar bizə yapışmaz, biz məcburi köçkünlər bu oyunu Elvin və Elçin Əhmədov qardaşları və onun gözə görünməyən havadarları dəstəyi ilə Murad Muradovun adından hazırladığı növbəti böhtan kimi qiymətləndiririk. Xeberle.com xəbər portalı vasitəsi ilə Elvin və Elçin Əhmədov qardaşlarına və onunların havadarlarına səslənirik. Bilin və agah olun, həmin ərazidə özümüzə yuva qurmüş məcburi köçkünlər göydə Böyük Yaradana, yerdə isə Azərbaycan Respublikasının Prezidenti, Zati aliləri cənab İlham Əliyevə və Birinci Vitse Prezidenitimiz Mehriban xanım Əliyevaya sonsuz olaraq inanırıq və arxalanırıq.
Xeberle.com xəbər portal vasitəsi ilə bir daha Cənab Prezidentimizdən, Birinci Vitse Prezidenitimizdən, haqqımızda keçirilən silsilə məhkəmələrin qanunsuz və ədalətsiz qətnamələrinin icrasının dayandırılmasını, prosesin Dövlət Başçımızın nəzarətində yenidən araşdılmasını, Ali Məhkəmənin Plenumuna verdiyimiz şikayət məktubunun icrata qəbul olunmasını, bizə qarşı gündəlik ənənə halını almış şər-böhtanın, təhdid və təzyiqlərin dayandırılmasını, haqq səsimizə səs verməyinizi acızanə şəkildə Sizdən xahiş edirik.
Hörmətlə: Cümşüdov Yadulla Fətulla oğlu
və 40-a yaxın məcburi köçkün
050 349 54 46 050 751 80 85
Xəbərdən istifadə edərkən istinad etmək vacibdir.