Sumqayıt şəhər Gənclər Evində Azərbaycan Respublikasının Prezidenti yanında Gənclər Fondunun maliyyə dəstəyi ilə "Sağlam Gənclik Formalaşdıraq" layihəsi çərçivəsində növbəti tədbir keçirilib. Tədbiri giriş sözü ilə açan layihə rəhbəri Səma Əsədova ictimai davranış qaydalarına, düzgün etik davranış normalarına riayət olunmasının cəmiyyət üçün əhəmiyyətli olmasından danışıb: " Azərbaycan beynəlxalq tədbirlərə ev sahibliyi edir, ölkəmizə çoxsaylı turist axını var. İctimai yerlərdə özümüzü aparmağımız təkcə şəxsimiz adına deyil, ölkəmiz adına fikir formalaşdırır. Deməli doğru ictimai davranış qaydalarının təbliğ olunmasında biz gənclərin üzərinə böyük məsuliyyət düşür."

Ekspert Elşad Əliyev düzgün etik davranış normalarından söz açıb. Gənclər ictimai yerlərdə onları narahat edən məsələləri müzakirə edib, həlli yollarını söyləyiblər.