Dünya Azərbaycanlılarının Həmrəyliyi
Günü və Yeni il ərəfəsində bir qrup xeyirxah insan Bilgəh qəsəbəsində yerləşən
Qocalar evini ziyarət ediblər.
İctimai fəal Səbirə Kazımovanın təşkilatçılığı
və xeyirxah insanlarının dəstəyi ilə Qocalar Evində konsert proqramı da təşkil
olunub.
Müğənni Elxan Qaraxanoğlunun və "Ümid”
TV-nin əməkdaşı Nuranə Adranovanın aparıcılığı ilə keçirilən konsert
proqramında mügənnilər və meyxana ustaları iştirak ediblər.
Çıxışlarda bildirilib ki, tədbirin əsas
mahiyyəti qayğıya ehtiyacı olan insanların könüllərini şad edib, sosial məsuliyyət
prinsiplərini insanlara bir daha xatırlatmaqdır.
Müğənnilərdən Elxan Qaraxanoğlunun,
Aygün Aydının, İbrahim Borçalının, Rza Zamanın, meyxana ustalarından Elnur
Ağdamlının və Məhəmməd Fədanın təqdim etdikləri mahnı və meyxana nümunələri tədbir
iştirakçıları tərəfindən böyük maraqla qarşılanıb, zövqlərini oxşayıb.
Gənc yazar Elvin Mehmanlının da söylədiyi
şeirlər tədbirə xüsusi ovqat qatıb.
Qeyd edək ki, tədbirə dəstək verənlər
arasında Kikboksinq idman növü üzrə Dünya və Avropa çempionu Elnur Mahmudov da
olub.
Tədbir təşkilatçıları qocalarla söhbət
edib, onlara övlad qayğısını yaşatmağa çalışıblar.
Qocalar evinin rəhbərliyi, eləcə də oranın
sakinləri olan ahıllar diqqətə görə tədbir təşkilatçılarına minnətdarlıqlarını
bildiriblər.
Xəbərdən istifadə edərkən istinad etmək vacibdir.
