Yeni ilin gəlişi ilə əlaqədar olaraq paytaxt Bakıda avtobuslar 31 dekabr 2017-ci il, 1-2 yanvar 2018-cı il tarixlərində gecə saat 01:00-ə qədər xidmət göstərəcək. Bəs görəsən, Sumqayıtda olan avtobusların xidmətində dəyişiklik olacaqmı?
Xeberle.com-a açıqlama verən Sumqayıt Şəhər İcra Hakimiyyətinin başçısı yanında Sumqayıt Avtomobil Nəqliyyatı ilə Sərnişindaşıma İdarəsinin rəisi Seyfulla Əsədullayev qeyd etdi ki, bayram günlərində marşrut xəttlərinin hərəkətində heç bir dəyişiklik olmayacaq.
"Bütün marşutlara tapşırmışıq ki, insanlar olana qədər işləmək lazımdır. Çünki bayram günlərində hamı bir-birinə qonaq gedib, qonaq gələcək. Və biz çalışacağıq ki, camaatı yolda qoymayaq".
Hicranə İsmayılova
Xeberle.com

Xəbərdən istifadə edərkən istinad etmək vacibdir.