Yeni Azərbaycan Partiyası (YAP) Sumqayıt şəhər təşkilatı "700 min ağac əkək!” kampaniyası və YAP Sumqayıt şəhər təşkilatının yaradılmasının 25 illiyi münasibətilə növbəti ağacəkmə aksiyası keçirib.
Xeberle.com-a verilən məlumata görə, YAP Sumqayıt şəhər təşkilatının sədri Ramiz Hüseynov bu tədbirin əhəmiyyətindən söhbət açıb, aksiyanın şəhərin ekologiyasını daha da yaxşılaşdırılmasına öz töhfəsini verəcəyini diqqətə çatdırıb.
Aksiyada YAP Sumqayıt şəhər təşkilatının Şura üzvləri, Qadınlar Şurası, Gənclər Birliyinin üzvləri və partiya fəalları iştirak ediblər.
Aksiya şəhərin 11-ci mikrorayonunun ərazisində keçirilib.
Müxtəlif növ dekorativ ağac və kollar əkilib, ərazidə təmizlik işləri aparılıb və ağaclara aqrotexniki qulluq göstərilib.
Yeni Azərbaycan Partiyası Sumqayıt şəhər təşkilatı bu tədbiri mövsümə uyğun olaraq cari ilin aprel ayınadək keçirməyi nəzərdə tutur.
Xəbərdən istifadə edərkən istinad etmək vacibdir.
