Sumqayıt Regional "ASAN xidmət” Mərkəzi "Könüllü məşhurlar” layihəsi çərçivəsində növbəti
qonağını qəbul edib.
Xeberle.com xəbər verir ki,
tanınmış teleaparıcı, Əməkdar artist "Bakılı Oğlanlar” Şən və Hazırcavablar
klubunun üzvü Murad Dadaşov Sumqayıt "ASAN xidmət” mərkəzinin qonağı olub.
Murad Dadaşov cari və məzun könüllülərlə çay süfrəsi
arxasında görüşüb, öz həyat təcrübəsindən ,əldə etdiyi uğurlardan, könüllülük fəaliyyətinin
əhəmiyyətindən danışıb, verilən sualları cavablandırıb.
Çay süfrəsindən sonra Murad Dadaşov könüllülük fəaliyyətinə
başlayıb, ərizə masasında vətəndaşların ərizə və anketlərini doldurub, növbə
aparatında vətəndaşlara növbə verib, hazır sənəd pəncərələrində xidmət göstərib,
vətəndaşlardan sorğu götürüb, "Yaşıl ASAN”, "ASAN məktub”, "Əsgərə Məktub”
layihəsinə dəstəyini ifadə edib.
Bütün fəaliyyətlərini nəzərə alaraq Murad Əli oğlu Dadaşov Sumqayıt
Regional "ASAN xidmət” mərkəzində "Könüllü məşhurlar” layihəsi çərçivəsində
könüllü olaraq vətəndaşlara xidmət və vətəndaş axınının idarə olunması sahələri
üzrə fəaliyyət göstərdiyi üçün 1-ci dərəcəli ŞƏHADƏTNAMƏ ilə təltif olunub.
Xəbərdən istifadə edərkən istinad etmək vacibdir.
