Martın 24-də Daşkəsən rayon ərazisində baş vermiş təbii fəlakət – güclü külək əsməsi və qasırğa nəticəsində rayonun təsərrüfatına dəyən ziyan aradan qaldırılır.
Daşkəsən rayon İcra Hakimiyyətindən verilən məlumata görə, çoxsaylı sosial, inzibati və çoxmərtəbəli yaşayış binalarına dəymiş ziyanın tez bir zamanda aradan qaldırılması məqsədilə Fövqəladə Hallar Nazirliyinin səlahiyyətli nümayəndə və mütəxəssisləri, Rayon Fövqəladə Hallar Komissiyasının üzvlərinin iştirakı ilə birgə yerlərdə baxış keçirərək ziyanın həcmini müəyyən edib sənədləşdiriblər.
Bir sözlə, baş vermiş bu təbii fəlakətin nəticələrinin aradan qaldırılması üçün hazırda müvafiq təmir-bərpa işləri aparılır.
Daşkəsən Rayon İcra Hakimiyyəti tərəfindən görülən ardıcıl işlərin gedişatı barədə Prezident Administrasiyasına, hörmətli Ramiz Mehdiyevə mütəmadi məruzə olunur.
Hazırda da, rayonda təmir-bərpa işləri yüksək səviyyədə davam etdirilir.(Axar.az)

Xəbərdən istifadə edərkən istinad etmək vacibdir.