Sumqayıt şəhər Mikayıl Müşviq adına 34 saylı orta məktəbdə "Uşaqlar və insan alveri: vəziyyət,müdafiə vasitələri və metodlar" mövzusunda tədbir keçirilib. Tədbir Azərbaycan Respublikası Prezidenti yanında Qeyri-Hökümət Təşkilatlarına Dövlət Dəstəyi Şurasının maliyyə yardımı ilə"Qadın Təşəbbüsü və Sosial Problemlərin Həllinə Yardım” İB-nin icra etdiyi "Insan alverinin qarşısının alınması və proflaktikasının gücləndirilməsi istiqamətində fəaliyyətin qurulması” layihəsi çərçivəsində baş tutub.

Təşkilat sədri Zenfira Mustafayeva ilk olaraq layihənin məqsədi, layihə çərçivəsində göstərilən yardımlar barədə iştirakçılara geniş məlumat verib. Tədbirdə ekspert qismində çıxış edən layihənin hüquqşünası Ruslan Mustafazadə cəmiyyətdə ən müdafiəsiz varlıqlar sırasında yer alan uşaqların insan alverinin potensial qurbanları kimi müdafiəyə ehtiyacı olduqlarını bildirib. Ruslan Mustafayev iştirakçılara insan alveri, uşaq alveri, ondan qorunma vasitələri haqqında geniş informasiya verib. Ekspert uşaq alverinin mahiyyəti, onun doğurduğu təhlükəli nəticələr haqqında danışaraq iştrakçıları məlumatlandırıb. R.Mustafayev çıxışı zamanı bildirib ki, əksər hallarda məişət zorakılığı insan alveri ilə nəticələnə bilər. Hüquqşunas tədbir zamanı məişət zorakılığı, qanunvericilik barədə də ətraflı şəkildə danışaraq valideynləri maraqlandıran sualları cavablandırıb. Tədbir zamanı insan alveri mövzusunda 3 qısa metrajlı film göstərilib. Qarşılıqlı fikir mübadiləsi şəraitində keçən tədbirdə hər bir iştirakçıya təlim materialları və hədiyyələr verilib.

Qeyd edək ki, tədbir məqsədi uşaqları insan alveri təhlükəsindən müdafiə etmə vasitələri haqqında valideynləri maarifləndirmək məqsədilə həyata keçirilib.