Rusiyanın Tıva Muxtar Respublikasının paytaxtı Kızıl şəhərində MDB-yə üzv ölkələrin müdafiə nazirləri şurasının iclasında iştirak edənlər üçün konsert proqramı təşkil olunub.
Xeberıe.com Xəzər TV-yə istinadən xəbər verir ki, konsert proqramında Azərbaycanın Müdafiə naziri Zakir Həsənov da iştirak edib.
Konsertdə Tlva milli balet ansamblının artistləri və musiqiçiləri "Sayana” rəqsini ifa ediblər. Həmçinin "Oktay” uşaq folklor ansamblı və KHOOMEI BEAT musiqi qrupu çıxış ediblər.
Qeyd edək ki, bu gün MDB-yə üzv ölkələrin müdafiə nazirləri şurasının iclası keçirilir. İclasda Azərbaycan, Belarus, Qazaxıstan, Qırğızıstan, Rusiya, Tacikistan, Özbəkistan, Ermənistan və Monqolustanın müdafiə nazirləri fəxri qonaq qismində iştirak edirlər.
İclasda təhlükəsizlik və müdafiə sahəsində çoxtərəfli əməkdaşlığın kompleks məsələləri müzakirə olunacaq. Həmçinin, nazirlər 2020-ci ilədək hərbi əməkdaşlıq konsepsiyasının icra olunması istiqamətində atılan addımları təhlil edəcəklər.
Xəbərdən istifadə edərkən istinad etmək vacibdir.
