Yeni Azərbaycan Partiyası Sumqayıt şəhər təşkilatı Gənclər Birliyinin təşəbbüsü ilə "Təmiz Sahil, Sağlam Həyat” devizi ilə Sumqayıt Bulvarının dənizkənarı sahilində təmizlik aksiyası keçirilib. Xeberle.com-un verdiyi məlumata görə, YAP Sumqayıt şəhər təşkilatının sədri Ramiz Hüseynov bildirib ki, bu aksiya maarifləndirmə xarakteri daşıyır:
"Bulvara və dənizkənarı sahilə gələnlərə çatdırmaq istəyirik ki, hər bir şəxs öz arxasınca məişət tullantısını yığışdırsa, sahilləri çirkləndirməsə, bu bizi həm böyük bir ekoloji fəlakətdən qoruyar və ətraf mühitə zərərimiz azalar. İnsanın ətraf mühitə vurduğu zərər onun öz sağlamlığını təhlükəyə məruz qoyur. Hər bir insanın öz ətrafına biganəliyi, əlindəki zibili yerə atması da ekoloji problemlərə səbəb olur. Təsadüfi deyil ki, ekoloji fəlakətlərin kökündə həmişə insan faktoru dayanır. Ona görə də ətraf mühitin çirkləndirilməsinin qarşısını alınması üçün ilk növbədə insanlar maariflənməlidir deyib aksiyaya start veriblər.
"Təmiz Sahil, Sağlam Həyat” təmizlik aksiyasında YAP Sumqayıt şəhərinin təşkilatı gənclər ilə iş üzrə sədr müavini Elmar Xəlilov, Gənclər Birliyinin fəal üzvləri, Azərbaycan Qızıl Aypara Cəmiyyəti Sumqayıt şəhər bölməsinin rəhbəri Mətanət Məhərrəmova, könüllüləri və Sumqayıt şəhər Mənzil Komunal Təsərrufatı İstehsalat Birliyinin əməkdaşları iştirak ediblər.
"Təmiz Sahil, Sağlam Həyat” təmizlik aksiyası Sumqayıt şəhər Mənzil Komunal Təsərrufatı İstehsalat Birliyinin dəstəyi ilə baş tutaraq sonda toplanmış zibilləri məişət tullantıları poliqonuna daşınmasın təmin edilib.
Xəbərdən istifadə edərkən istinad etmək vacibdir.
