"Minsk 2019” II Avropa Oyunlarına bilet satışına bu il dekabrın 1-də start verilməsi planlaşdırılır.
Xeberle.com Report-a istinadən xəbər verir ki, bu barədə Oyunların marketinq üzrə meneceri Maksim Koşkalda Belarusun paytaxtı Minskdə iştirakçı ölkələrin nümayəndələrinin qatıldığı seminarda bildirib. Onun sözlərinə görə, Belarus sakinləri biletləri 2019-cu il fevralın 28-dək rəsmi sayt vasitəsi ilə əldə edə bilərlər. Digər ölkələrin vətəndaşları üçün isə biletlər gələn il martın 1-dən satışda olacaq. Həmçinin oyunların startı ərəfəsində biletləri Belarusun müxtəlif şəhərlərində fəaliyyət göstərəcək kassalardan götürmək mümkündür.

Qeyd edək ki, I Avropa Oyunları 2015-ci ildə Bakıda təşkil olunub. II Avropa Oyunları isə 21 – 30 iyun 2019-cu ildə Belarusun paytaxtı Minskdəki 12 idman obyektində keçiriləcək. Oyunlarda 50 ölkənin 4000-dən çox idmançısı 15 idman növü üzrə 201 dəst medal uğrunda yarışacaq. 10 növ üzrə yarışlar 2020-ci il Tokio Yay Olimpiya Oyunlarına lisenziya xarakteri daşıyacaq.