Son günlər sosial şəbəkələrdə Sumqayıtda fəaliyyət göstərən "SOCAR Polymer”in tikinti podratçısı olan "Üstay” şirkətinin bir sıra əməkdaşı arasında yaranan narazılıqla bağlı videogörüntülər yayılıb. Xeberle.com-un verdiyi məlumata görə, narazılığın işçilərin 41 dərəcə temperaturda işləmək istəməmələri ilə bağlı yarandığı iddia olunur. Məsələyə "SOCAR Polymer” şirkəti aydınlıq gətirib. Bildirilib ki, tikinti sahəsində çalışanlar arasında heç bir narazılıq yoxdur:
"SOCAR rəhbərliyinə hadisə barədə məlumat verildikdən dərhal sonra müvafiq tədbirlər görülüb, SOCAR və "SOCAR Polymer” rəhbərliyinin müdaxiləsi nəticəsində məsələ həll edilib, səslənən narahatlıqlar tam aradan qaldırılıb. SOCAR tərəfindən subpodratçı şirkətin rəhbərliyinə narazılıq hallarının qarşısının alınması barədə ciddi xəbərdarlıq edilib”
Elnarə Salamova
Xeberle.com
Xəbərdən istifadə edərkən istinad etmək vacibdir.
