ABŞ-da yaşayan və qeyri-qanuni dərman alveri, fırıldaqçılıqda ittiham edilən erməniyə yeni ittiham oxunub.
Xeberle.com Ölkə.Az-a istinadən xəbər verir ki, bir müddət əvvəl şərti azadlığa buraxılan 44 yaşlı Armen Simonyan 7 avqust tarixində yenidən həbs edilib.
İttiham aktına əsasən, Simonyan ABŞ-a 15 il əvvəl oğurlanmış şəxsi məlumatlar və saxta pasportla daxil olub. O, bəyan edib ki, erməni-azərbaycanlı qarışığı olan ailənin üzvüdür və onun valideynlərini Azərbaycanda qətlə yetiriblər.
İstintaq müəyyən edib ki, Simonyan Ermənistanda anadan olub və hər iki valideyni ermənidir, hələ də sağdırlar.
Bu saxta məlumata görə Simonyan ABŞ vətəndaşlığından məhrum ediləcək. Eyni zamanda onu 20 ilə qədər həbs gözləyir.
Xəbərdən istifadə edərkən istinad etmək vacibdir.
