Nazirliyin ictimaiyyətlə əlaqələr şöbəsindənXeberle.com-a bildirilib ki, "Qadın Təşəbbüsü və Sosial Problemlərin Həllinə Yardım” İctimai Birliyi tərəfindən Sumqayıt şəhərində apreldə yaradılan yardım mərkəzində indiyədək 38 uşağa xidmət göstərilib.

Mərkəzdə məişət zorakılığından zərər çəkmiş 3-16 yaşında uşaqlar sosial reabilitasiya xidmətləri, hüquqi, sosial, psixoloji yardımlarla, təmin edilir. Bununla yanaşı, onlara təhsillərini davam etdirmək üçün şərait yaradılır.

Hazırda nazirliyin sifarişləri əsasında ixtisaslaşmış qeyri-hökumət təşkilatları tərəfindən, ümumilikdə, 4 mindən çox sağlamlıq imkanları məhdud və ya çətin həyat şəraitində olan uşaq, eləcə də müvafiq hallarda onların ailələri sosial və reabilitasiyayönümlü xidmətlərlə təmin olunur.