Beşinci Beynəlxalq Qarabağ Forumu avqustun 30-da Bakıda işinə başlayacaq. Foruma Azərbaycanla yanaşı Türkiyə, İran, Gürcüstan, Rusiyadan Qeyri-Hökumət Təşkilatlarının nümayəndələrinin qatılması nəzərdə tutulub. Beynəlxalq Forumun iştirakçıları Qarabağa dair aktual məsələləri, o cümlədən Qarabağ həqiqətlərinin təbliğində KİV-lərin effektivliyinin artırılması, həmçinin bir sıra təşkilati məsələləri müzakirə edəcək, qərarlar qəbul edəcəklər.
Forumun Azərbaycan təmsilçiliyinin rəhbəri, Qarabağ Azadlıq Təşkilatının sədri Akif Nağı bildirib ki, Qarabağ həqiqətlərinin sistemli şəkildə yayılması vacibdir və bu istiqamətdə Forum ciddi işlər görür.
Xatırladaq ki, Beynəlxalq Qarabağ Forumu 2015-ci ildə Bakıda təsis toplantısında yaradılıb, 2-ci toplantısı İzmirdə, 3-cü Gəncədə, 4-cü Ərdəbildə baş tutub.
Xəbərdən istifadə edərkən istinad etmək vacibdir.
