Fövqəladə Hallar
Nazirliyinin Sumqayıt Regional Mərkəzi SOCAR-ın "Azərikimiya” İstehsalat Birliyinin
təmir tikinti idarəsində "Fövqəladə hadisələrin nəticələrinin aradan qaldırılması
zamanı Mülki müdafiə qüvvələrinin idarə olunmasının təşkili” mövzusunda nümunəvi
obyekt mülki müdafiə məşqi keçirib.
Xeberle.com-averilən məlumata görə, məşqin keçirilməsində məqsəd, baş verə biləcək istehsalat
qəzaları və digər fövqəladə hadisələr zamanı işçilərin mühafizəsinin təmin
edilməsi, ilkin qəza xilas etmə və yanğınsöndürmə qüvvələrinin hadisələrin qarşısının
alınmasına cəlb olunması, rayon qüvvələri arasında qarşılıqlı fəaliyyətin, eləcə
də rəhbərlik tərəfindən idarəetmənin təşkilinin yoxlanılması olub.
Məşqin keçirilməsinə
FHN-in Sumqayıt Regional Mərkəzinin, Sumqayıt şəhər Dövlət Yanğından Mühafizə İdarəsinin,
Qızıl Aypara Cəmiyyətinin Sumqayıt bölməsinin, "Azərikimiya” İB-nin təmir tikinti
idarəsinin mülki müdafiə qüvvələrinin şəxsi heyəti və texnikası cəlb olunub.
Məşq zamanı
şərti olaraq baş vermiş fövqəladə hadisələr zamanı verilən məlumatlar əsasında işçilərin
təhlükəli ərazidən təxliyyəsi, qəza yerində kəşfiyyatın təşkili, xəsarət alanların
qəza zonasından çıxarılması və onlara ilkin tibbi yardımın göstərilməsi, eləcə də
baş vermiş yanğının söndürülməsi zamanı obyekt qüvvələri ilə FHN-in hadisə yerinə
cəlb olunan qüvvələri arasında qarşılıqlı fəaliyyət əyani nümayış etdirilib.
Məşqin yekunu ilə əlaqədar mülki müdafiə qüvvələrinin
komandir-rəis heyətinin xəritə üzrə dinləmələri keçirilərək təhlillər aparılıb,
qarşıya çıxan nöqsan və çatışmazlıqlar müzakirə olunub.
Xəbərdən istifadə edərkən istinad etmək vacibdir.
