Ekologiya və Təbii Sərvətlər Nazirliyi ölkə ərazisində 2018-2019-cu illərin ov mövsümündə ovlanmasına icazə verilən növlərin adlarını açıqlayıb.
Xeberle.com xəbər verir ki, ovlanması qadağan edilməyən heyvanlar çöl donuzu (qaban), dovşan, cüllüt, qaz, ördək və qaşqaldaqdır.
Çöl donuzunun (qaban) ovlanma müddəti: 15 sentyabr-22 dekabr 2018-ci il.
Ov yerləri: Lənkəran, Astara, Lerik, Qax, Cəlilabad, Zaqatala, İmişli, Qusar, Xaçmaz, Neftçala, Yardımlı, Şəki və İsmayıllı rayonlarının müvafiq ov sahələrində və ovçuluq təsərrüfatları.
Dovşanın ovlanma müddəti: 17 noyabr 2018-ci il-12 yanvar 2019-cu il.
Ov yerləri: Dəvəçi, Kürdəmir, Salyan, Neftçala, Cəlilabad, Biləsuvar, Yevlax, Lənkəran, Zaqatala, Ağstafa, Qazax, Zərdab, Masallı, Quba, Xaçmaz, İmişli, Sabirabad, Saatlı rayonlarının müvafiq ov sahələrində və ovçuluq təsərrüfatları.
Cüllütün ovlanma müddəti: 15 sentyabr-24 noyabr 2018-ci il.
Ov yerləri: yalnız ovçuluq təsərrüfatlarının ərazilərində və xüsusi müəyyən olunmuş ov sahələri.
Qazın ovlanma müddəti: 13 oktyabr 2018-ci il-01 mart 2019-cu il.
Ov yerləri: yalnız ovçuluq təsərrüfatlarının əraziləri və xüsusi müəyyən olunmuş ov sahələri.
Ördəyin ovlanma müddəti: 13 oktyabr 2018-ci il-01 mart 2019-cu il
Ov yerləri: yalnız ovçuluq təsərrüfatlarının əraziləri və xüsusi müəyyən olunmuş ov sahələri.
Qaşqaldağın ovlanma müddəti: 13 oktyabr 2018-ci il-01mart 2019-cu il.
Ov yerləri: yalnız ovçuluq təsərrüfatlarının əraziləri və xüsusi müəyyən olunmuş ov sahələri.
Nazirlik həmçinin Ağdam, Göygöl, Goranboy, Daşkəsən, Gədəbəy, Tərtər və digər sərhədyanı və cəbhə zonasına yaxın inzibati rayonların əraziləri, Xəzər dənizinin adaları, yaşıl zonalar, şəhər və kurortlara 1,5 kilometrə qədər yaxın sahələr, xüsusi mühafizə olunan ərazilər və sanitar-mühafizə zonalarında ov etmək qanunla qadağan olduğunu xatırladıb.
Xəbərdən istifadə edərkən istinad etmək vacibdir.
