Sumqayıt Mənzil
Kommunal Təsərrüfatı İstehsalat Birliyi avqust
ayından maraqlı kampaniyaya start verib.
Xeberle.com-unməlumatına görə, qurum şəhərin bütün məhəllə və mikrorayonlarının həyətlərində,
eləcə də insanların daha çox istifadə etdiyi yollarda müxtəlif şüarlar olan
posterlər yerləşdirib. "Həyətimiz həyatımızdır.
Həyatımızı birlikdə qoruyaq!", "Dostlar! Həyətimiz evimizdir! Evimizi
təmiz saxlayaq", "Təmizlik özümüzdən başlayır" və digər şüarları özündə əks etdirən posterlərin
yaşayış məntəqələrində yerləşdirilməsində
məqsəd həyətlərin təmiz saxlanmasını sakinlərə bir daha xatırlatmaqdır.
Sumqayıt Mənzil
Kommunal Təsərrüfatı İstehsalat Birliyindən bildiriblər ki, posterlər daha çox gənc nəsli və uşaqları cəlb edəcək
dizaynlarda hazırlanıb: "Kampaniyaya start verildiyi gündən indiyədək
yaşayış məntəqələrində müxtəlif şüarları
əhatə edən 450-dən çox poster yerləşdirilib. Həyata keçirdiyimiz bu təşəbbüs
sakinlər tərəfindən də müsbət qarşılanır. Deyirlər ki, ictimai qınağa böyük
ehtiyac var".
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.