Sumqayıt şəhər Polis İdarəsinin Dövlət Yol Polisi şöbəsinin
əməkdaşları tərəfindən yol hərəkəti təhlükəsizliyinin təmin edilməsi, həmçinin
sərnişindaşıma qaydalarını kobud şəkildə pozaraq insanların həyatını təhlükə
altında qoyan mikroavtobus sürücülərinə qarşı reyd keçirilib.
Xeberle.comxəbər verir ki, reyd zamanı Bakıdan Sumqayıta və yaxud əks istiqamətə
qanunsuz sərnişindaşıma ilə məşğul olan avtobus sürücüləri saxlanılaraq
marşrutdan kənarlaşdırılıb. Reyd zamanı
sərnişin daşımaq üçün nəzərdə tutulmuş standartlara cavab verməyən,
müvafiq fərqlənmə nişanı olmayan 20 –yə yaxın avtobus saxlanılıb. Araşdırmalar zamanı məlum olub ki, həmin
avtobusların əksəriyyətinin konstruksiyalarına dəyişiklik edilib, salonlarına əlavə
oturacaqlar quraşdırılıb.
Saxlanılan
avtobus sürücülərinin sənədləri yoxlanılarkən aydın olub ki, əksəriyyətinin
həmin nəqliyyat vasitəsini idarə etmək üçün müvafiq kateqoriyası və sürücülük
hüququ yoxdur.
Yol polisi
mütəmadi olaraq Bakı Sumqayıt yolundan istifadə edən sərnişinlərə və tələbələrə,
o cümlədən valideynlərə bu cür qanunsuz sərnişindaşıma ilə məşğul olan sürücülərin
idarə etdiyi texniki baxımdan nasaz mikroavtobuslardan istifadə etməməyi tövsiyə
edir.
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
