Sumqayıt şəhər Polis İdarəsinin
Dövlət Yol Polisi şöbəsinin əməkdaşları
tərəfindən növbəti reyd keçirilib.
Xeberle.com-un məlumatına
görə, reyd zamanı nasaz avtomobil idarə edən, ötmə əməliyyatını düzgün yerinə
yetirməyən, cərimələri ödəməyən, sənədləri qaydasında olmayan, Bakı-Sumqayıt
istiqamətində fəaliyyət göstərən mikroavtobus sürücüləri aşkar edilib.
Tədbir zamanı həmçinin təhlükəsizlik
kəmərindən istifadə etməyən, texniki baxışdan keçməyən və digər qayda
pozuntularına da yol verən sürücülərə rast gəlinib. Həmin avtomobil sürücüləri
saxlanılaraq onlara inzibati protokol tərtib olunub, minik avtomobillərinin
sürücüləri isə saxlanılaraq maarifləndərici işlər aparılıb, təhlükəsizlik
qaydaları izah edilib.
Ümumilikdə isə 5 sürücü barəsində
inzibati protokol tərtib olunub, 2 avtomobil isə duracağa təmin olunub.
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
