Azərbaycan Respublikası Fövqəladə Hallar Nazirliyinin yaradılmasının
13-cü ildönümü və işçilərinin peşə bayramı münasibətilə FHN Sumqayıt
Regional Mərkəzinin inzibati binasında tədbir keçirilib.
Sumqayıt şəhər İcra Hakimiyyəti Başçısının birinci müavini Teymur
Səmədov FHN-in yaradılmasının 13-cü ildönümü və peşə bayramı
münasibətilə şəxsi heyəti təbrik edib, onlara uğurlar arzulayıb.
Fövqəladə Hallar Nazirliyi Sumqayıt Regional Mərkəzin rəisi Adil Hacıyev
göstərilən diqqətə görə şəxsi heyət adından şəhər rəhbərliyinə
minnətdarlığını bildirib.
Vurğulanıb ki, ölkə başçısı İlham Əliyevin diqqəti sayəsində nazirliyin
maddi-texniki bazasının gücləndirilməsi, kadr hazırlığının artırılması,
məlumat mübadiləsinin aparılması və digər sahələrdə ciddi nailiyyətlər
əldə olunub. Nazirliyin strukturuna daxil olan regional mərkəzlərin
yaradılması istiqamətində də səmərəli işlər görülüb. Təsadüfi deyil ki,
əhalinin və ərazilərin fövqəladə hallardan etibarlı surətdə mühafizə
edilməsi məqsədilə respublika üzrə Nazirliyin regional mərkəzləri
yaradılıb. Eyni zamanda baş verə biləcək yanğın-qəza hallarının aradan
qaldırılması məqsədilə ölkənin əksər regionlarında Yanğından Mühafizə
Hissələri üçün yeni inzibati binalar istifadəyə verilib.
Tədbirdə Fövqəladə Hallar Nazirliyi əməkdaşlarının peşə bayramı və
xidmətində səmərəli fəaliyyətə görə Sumqayıt Şəhər İcra Hakimiyyəti
başçısının sərəncamı ilə təltif olunmuş əməkdaşlara fəxri fərmanlar
təqdim olunub.
Xəbərdən istifadə edərkən istinad etmək vacibdir.
