"Bu il ərzində təşkilat tərəfindən 388 nəfərə müxtəlif xidmətlər göstərilib. Xidmətlərdən
yararlananların 166 nəfəri uşaq, 180 nəfər qadın və 42 nəfər isə
kişidir. Bununla yanaşı, 257
nəfər hüquqi xidmət alıb. Hüquqi xidmət
çərçivəsində İcra Hakimiyyəti tərəfindən 4 ailəyə qısamüddətli mühafizə orderinin
alınmasına nail olunub".
Bu sözləri Xeberle.com-a açıqlamasında "Qadın Təşəbbüsü və Sosial Problemlərin
Həllinə Yardım" ictimai birliyinin sədri Zenfira Mustafayeva deyib. Birlik
sədrinin sözlərinə görə, Təhsil şöbəsi
ilə əməkdaşlıq çərçivəsində 10
nəfər uşaq bağçalarına yerləşdirilib, heç bir
təhsili olmayan 15 nəfər valideynin peşə kurslarına yönəldilməsinə nail olunub: "
Bu əməkdaşlıq çərçivəsində təşkilatın benefesiarı
olan və daim atası, digər qohumu tərəfindən məişət zorakılığına məruz qalmış 2 nəfər uşaq və onun anası sığınacağa
yerləşdirilib. Ailələrin inkişafının
təmin edilməsi üçün 16 nəfər işlə təmin olunmasına köməklik göstərilib. Sumqayıt
şəhər Polis İdarəsi ilə əməkdaşlıq çərçivəsində məişət zorakılığının qurbanı
olmuş şəxslərin şikayətlərinin vaxtında
və obyektiv araşdırlmasını təmin etmək mümkün olub".
Qeyd edək ki, təşkilat
Sumqayıt şəhər Təhsil şöbəsi, İcra Hakimiyyəti və Polis idarəsi ilə sıx əməkdaşlıq
edir.
Xəbərdən istifadə edərkən istinad etmək vacibdir.