8-10 fevral 2019-cu il tarixlərində Sumqayıt şəhərindən olan və müsabiqə əsasında seçilmiş gənclər üçün Sumqayıt Gənclər Evində sağlam həyat tərzinin təbliği üzrə təlimçilər üçün təlim təşkil edilmişdir.

Məqsədi gənclər və yeniyetmələr arasında sağlam həyat tərzini təbliğ etmək, onlar arasında qeyri-sağlam həyat tərzinin fəsadları haqqında maarifləndirmə aparmaq və həmyaşıdan-həmyaşıda tədris metodikası əsasında gənclərin sağlam həyat tərzinin təbliğində iştirakını artırmaq olan layihənin ilk günündə Anar Məmmədov gənclərə qeyri-formal təhsil metodları haqqında məlumat verdi. Növbəti iki gün ərzində isə təlimçi-ekspert Dr. Nabil Seyidov tərəfindən sağlam həyat tərzinin təbliği, sağlam qidalanma, zərərli vərdişlərin vəqeyri-sağlam həyat tərzinin fəsadları haqqında təlim keçdi.

Xüsusən, yeniyetmə və gənclər arasında qeyri-sağlam həyat tərzinin artması, onların gənc yaşlarında tütün, spirtli içkilər və digər zərərli vərdişlərin aludəçisi olmaları, sağlam həyat tərzinin təbliği sahəsində addımlar atmağın zəruriliyini önə cəkir.

Layihənin növbəti mərhələsində gənc təlimçilər Sumqayıt şəhərində yerləşən orta təhsil müəssisələrində əldə etdikləri bilik və təlimçilik bacarıqları ilə məktəblilər üçün seminarlar təşkil edəcəklər. Layihənin sonuncu mərhələsində isə seminarlara cəlb edilmiş məktəblilər arasında debat natiqlik turnirləri təşkil olunacaqdır.

Əlaqə nömrəsi : 0558237290

E-mail : [email protected]

Facebook/Instagram : sdgt.csyo